Antonio Eduardo Bernardo Rubio, avogado segoviano, foi detido na Noiteboa de 1967 en plena rúa ao ser sorprendido pegando adhesivos coa inscrición “Libertade pra Galicia” en escaparates, vehículos e caixas de correos. Días despois tamén sería detido Xosé Luís Méndez Ferrín, acusado de facilitarlle a propaganda. Este acto de protesta é un dos exemplos da campaña de pegado de bandas despregada en Galicia por obra da UPG, que dende Madrid, e baixo a responsabilidade de Bautista Álvarez, conseguiran traer ao país. Ambos foron xulgados ante o TOP, acusados de propaganda ilegal: Méndez Ferrín foi absolto, mentres que Bernardo Rubio foi condenado a seis meses e un día de prisión e a unha multa de quince mil pesetas.

Fontes

REDONDO, Francisco, Arelas de liberdade na Galiza: galegos perante o Tribunal de Orde Pública (TOPGAL, 1964-1976), Edicións Laiovento, Santiago de Compostela, 2017.