A cafetaría Goya, localizada no arranque da Rúa de Urzáiz, foi ata decembro de 1998, data do seu peche, un lugar recorrente para o encontro das xentes de esquerda da cidade de Vigo. A comezos de 1975, celebráronse alí varias reunións de mulleres pertencentes á Liga Comunista Revolucionaria (LCR) e ó Movemento Comunista Galego (MCG), que rematarían por aglutinarse na Asociación Galega da Muller (AGM). Destacan nesas reunións nomes coma o de María Xosé Queizán, Ana Míguez ou Ana Miranda.

Fontes

BAR, Mónica, Feministas galegas. Claves para unha revolución en marcha, Edicións Xerais, Vigo, 2010, 115.