Nos últimos meses de 1977, as traballadoras da empresa manufactureira téxtil San Remo de Vilalba, protagonizaron unha das primeiras folgas da vila chairega, para denunciar unha serie de irregularidades laborais que viñeran sufrindo ata o de entón, coma os salarios por debaixo do convenio, o feito de non estar aseguradas ou constar como aprendices a pesar de levar varios anos traballando na fábrica téxtil. A ameaza dun peche de seis meses por parte da patronal animaría mobilizacións.

Estado

Actualmente unha moblaría ocupa o edificio da antiga San Remo.

Fontes

"Primeira folga nunha mediana empresa", A Nosa Terra, 3-9/02/1978, 6, http://consellodacultura.gal/mediateca/extras/CCG_fd_pub2211_ANosaTerra_n2_1978.pdf, 13/08/2022. "Cierre en Villalba", La Voz de Galicia, 1/03/1978, 45.

Notas

A fotografía actual refírese ao edificio que tempo atrás ocupou a manufactureira téxtil San Remo; a fotografía en branco e negro, a unha manifestación na vila ante a ameaza do seu peche.