A Cidade da Selva, denominación empregada polos propios guerrilleiros do momento, referíase a unha serie de campamentos da guerrilla antifranquista constituídos nos montes de Casaio, no sueste galego. Conformouse como base principal da Federación de Guerrillas de León-Galicia, unha das primeiras agrupacións guerrilleiras aparecidas trala guerra civil en España, nada en 1942 e que naquela área da provincia de Ourense estaría en funcionamento ata, polo menos, 1946, cando a acción da Garda Civil neutralizou a maior parte dos seus efectivos.

Fontes

RODRÍGUEZ, Alejandro, "La larga posguerra del Ejército Republicano. La Federación de Guerrillas de León-Galicia", en Emilio Grandio e Alejandro Rodríguez, War zone: la Segunda Guerra Mundial en el noroeste de la península ibérica, Eneida, Madrid, 2012, 89-136. MARCO, Aurora, Mulleres na guerrilla antifranquista galega, Edicións Laiovento, Santiago de Compostela, 2011, 169-174. TEJERIZO, Carlos; RODRÍGUEZ, Alejandro; FERNÁNDEZ, Mario; RODRÍGUEZ, Celtia; CARVAJAL, Álvaro; ROMERO, Antonio, et al., “Paisajes de la represión y la resistencia durante la dictadura franquista: la Ciudad de la Selva y la guerrilla antifranquista”, en Bruno Rosignoli, Carlos Marín Suárez e Carlos Tejerizo (eds.), Arqueología de la dictadura en Latinoamérica y Europa. Violencia, resistencia y resiliencia, BAR International Series, Oxford, 2020, 171-186.